Nôwiãkszô kaszëbskô rozegracjô we Gduńskù w latosym rokù dérowała wnetkã dwa tidzenie. W òbrëmim trzecy edicje Gduńsczich Kaszëbsczich Dniów (GKD) turiscë i mieszkańcowie stolëcë Kaszëb mielë leżnosc wząc ùdzél w rozmajitëch wëdarzeniach, bò z kòżdim rokã Bióro Kaszëbskò-Pòmòrsczégò Zrzeszeniô mô starã, żebë zbògacac a rozkòscerzac kùlturowi bédënk. Tej òkróm spòdlowëch i bëlno znónëch lëdzóm rozegracjów, jak Fischmarkt czë Kaszëbë Music Festival, pòjawiłë sã nowé, czekawé ùdbë.