W dzysészim webinarium Mónika Kùbisôk – szkólnô kaszëbsczégò jãzëka z Szkòłowò-Przedszkòłowégò Zespòłu nr 1 w Rédze, ùsôdzka ksążków dlô dzecy i młodzëznë, chtërnëch akcëjô dzejô sã na Kaszëbach, a òsoblëwò w Wejrowie, prowadzącô na fb starnã W krainie Wejhera, pòkôże Genial.ly. Platfòrma ta baro widzy sã szkòłownikóm, co nie je dzywné, bò daje mòżlëwòtã ùczeniô sã, jigraniô, dobëcô i ùmòcnieniô wiédzë, radzeniô so w escape roomie i jesz wiele, wiele jinszich, a to wszëtkò dzãka interaktywnym prezentacjóm. Ùczbë kaszëbsczégò jãzëka z Genial.ly są pò prôwdze genialné!